الجبل

عالى الجبل فين أخرته يا ناس
حضن الجبل عاصى على الحراس
جيت أدخله لاقى ظلام فى ظلام
والسكة كاتمة وضاقت الأنفاس
مارد عنيد عمال يزيد
حاجب معاه نور الحياة
واللى دخل كهفه أكيد
هتكون بدايته منتهاه
هتكون بدايته منتهاه
ليه يا جبل طول سكتك غابة
حضنك دروب وغروب على ديابة
واللى وصل أخرك يهاب خوف السقوط
خوفى لتطلع نفخة كدابة
مارد عنيد عمال يزيد
حاجب معاه نور الحياه
واللى دخل كهفة اكيد
هتكون بدايته منتهاه
هتكون بدايته منتهاه