رباعياتى 10

لا شهدنا يوم حيوان تشك فى ذمته
ولا أصيل يوعد ويخلف كلمته
ليه يا أبن أدم تستبيح من دم أخوك
فيه ديب بياكل لحم ديب من جلدته

_________________________________________

بكره كلام الناس لكنى بحبهم
وأحب أعيش وناس وأشاركهم همهم
الناس تعزك لو تصونهم فى الخفا
لكن تعيبك لو بتحكى فى ضهرهم

________________________________________
شبح خلى البال سابح فى شط النيل
من فرحته بالحال راقص على المواويل
كدبة وشبح أوهام شاردة من الأحلام
حبة نوبات هلوسة تايهة فى أخر الليل

________________________________________

السيجارة عندي دي صنعة شطارة
وصفة سهلة طالعة من دكان عطارة
انتحار من دون مرارة الانتظار
ولا نقطة دم ولا سنة خسارة