شاهد عيان والوقوف أنتباه
كومبارس يا أنسان فى فيلم الممات
والكل مات وبلغ مداه منتهاه
___________________________________________
كومبارس يا أنسان والفيلم صامت
ملفوف بتوب كتان والخلق قامت
واضعة فى حفرة التوب دايم عملها
والدنيا أمتى يا ناس على حالها دامت
___________________________________________
مسرح كبير يا حياة يا مستحيلة
يا سارقة عقل البشر يا مستميلة
خشباتك اليوم هى رمز الوجود
للنعش بكره تعود بين يوم وليلة
___________________________________________
مسرح كبير و الحياة مسرحية
جمهور غفير ماشى يلقى التحية
وفصول كتير والفصل فيها الأخير
تشهد نهايته لو فى عمرك بقية
ليست هناك تعليقات:
إرسال تعليق