احساس

إحساس إنى وحيد لو وسط كل الناس
إحساس مخوفنى
وشعور إنى بعيد تايه فى موج وبحور
عمالة تحدفنى
مجروح ويا قلبى ليه طول السنين مجروح
وفى عز يوم فرحى
ببكى وأرسم على وشى الحزين ضحكة
والدمعة تكشفنى
ويا قلبى ليه ساكت على دمعك
أصرخ أنا سامعك
اكشف على جرحك تلاقى دواه
الفرحة ليه جواك بتتألم
ليه جرحها معلم
وندوس على ضحكتها تطلع آه
معقول إن الأمان فى الدنيا شىء معقول
وإن الأمل موجود
كداب ويا قلبى ليه واخدك أمل كداب
وعهود سراب ووعود
شايل كتفك عليه صبر السنين شايل
ولأمتى يتحمل
الآه ويا دنيا ليه القلب شايل آآآآآآه
ومع العذاب موعووود
ويا قلبى ليه ساكت على دمعك
أصرخ أنا سامعك
اكشف على جرحك تلاقى دواه
الفرحة ليه جواك بتتألم
ليه جرحها معلم
وندوس على ضحكتها تطلع آآآآآآآه
وندوس على ضحكتها تطلع آه