كرهتك يا مصر

كرهتك يا مصر

وكرهت اللي فيكي

يا دولة عاليكي

بيحني في واطيكي

كرهت اللي سابك

تقاسي في عذابك

كرهت اللي عايش

في أرضك ناسيكي

كرهت الحواري

وبيع الجواري

في أسواق نخاستك

وقدام عينيكي

كرهت اللي مانع

أذان الجوامع

وشايف وسامع

ولكن عاميكي

كرهت العجوز

المخلد في طينك

وابنك جنينك

يموت بين أيديكي

كرهت الشباب

اللي بايع قضيتك

وساكن في بيتك

وساخط عليكي

كرهت اللي ساقياه

حلاوة شرابك

وساعى لخرابك

وعامل حاميكي

كرهتك ولكن

بحبك بشدة

ومهما باعوكي

رح أفضل شاريكي

محمود هاشم 

فـي وقــت الفــرح أكــون زعــلان

فـي وقــت الفــرح أكــون زعــلان

وســــاعة الحــــزن أنـــا بضحـــك

غريـــــب فعـــــلك أيـــا إنســـــان

فـــي أحزانــــك وفــــي فرحــــك

محمود هاشم

بحبك بس مش قادر

بحبك بس مش قادر

أٌقولك إني حبيتك

ولا قادر في نفس الوقت

أخبي السر جوايا

وأيه الحل وياكي

يا سارقة القلب ومفارقة

ولا همك

__

وأشوف طيفك قصاد عيني

أتوه وأسرح في أحلامي

وأنسي الدنيا وأنساني

وأنسى حتى عنواني

وأصحابي وخلاني

ولا فاكر سوي ضحكة

بصوت فمك

___

حبيبتي أنا حبيب عاشق

ولكن قلبي طبعه غريب

يعيش ويموت ولا يحكي

علي عهده وأسراره

ويسرح جوه أفكاره

وأقوله : قولها وبادر

يرد يقول:  منيش قادر

   

محمود هاشم

رحلــــة حياتنــــا سايـــرة فـــي اتجاهيـــن

رحلــــة حياتنــــا سايـــرة فـــي اتجاهيـــن

متفرقيـــــن مــــا بيــــن شمـــال ويميــــن

و علـى حســب ما نختــار رفيــق الطريــق

نعـــــرف مســـــار رحلتنــــا رايــــح لفيــــن

محمود هاشم

جمــالك يا حبيبتــي عـــدي حــدود الجمــال

جمــالك يا حبيبتــي عـــدي حــدود الجمــال

وصوتـــك وابتســامتك أعــذب مــن الخيــال

أبص لنــور عينيكــي أنســي ظـلام الحيــاة

أبص لغيرك إنتي شيء في ضروب المحـال

محمود هاشم