الظلم آخره مصايب
والليل حباله طويلة
دنيا وماليها العجايب
وأيام هناها قليلة
سكة واليها نهاية
وطريق وماله معالم
متقولشى فاهم الحكاية
ربك ده وحده اللى عالم
قطر الغلابة غلبنى
وسقانى من مر كاسه
يا قطر إيه اللى جابنى
أمشى حداك من أساسه
السبت، 11 يونيو 2011
من رباعياتى
بحار وشرعي في الحياة رحال
طفت البلاد ورأيت صعيب ومحال
وأنا ليه في بحر هواكى ما خطيت
ووقفت على شطك كما التمثال
بحبك ومهما تمر السنين
بحبك وزايد إليكى الحنين
بحبك وقلببى حياته فى حبك
بحبك ولكن قوليلي أنتى مين
الاشتراك في:
الرسائل (Atom)